الأمسية العراقية 18-12-2011

أقام المنتدى الثقافي الشبابي "أمسية عراقية"
يوم الأحد 18/12/2001 الساعة 8 مساءً
شارك فيها: الشاعر مصطفى الشمري ،الشاعر إيهاب العزاوي
وحلّ فيها ضيفاً الفنان الشاب سامي خطيب حيث قدم لنا أغنيتين (إلى العزيز تحية
،كثر الحديث )هدية إلى الجمهور العراقي وللشاعرين.
قدم الأمسية الشاعر محمود نايف الشامي

وكان من الحضور الشاعر صفوح شغالة، الشاعر الغنائي بكري حنيفة، الشاعر بشير دحدوح، الشاعرة مريانا سواس، الشاعر أيمن دانيال، الأنسة جافيا علي.
والعديد من الشباب الشعراء والمتابعين للحركة الثقافية.

تميزت الأمسية بالنكهة العراقية حيث قدما الشاعرين قصائدهما بكل إحساس
وبنبرة عراقية أصيلة .
تنوعت بين قصائد حب للوطن ووجدانيات وغزليات ورثاء.
اختتمت الأمسية بأغاني فلكلورية تألق بأدائها الفنان سامي خطيب.  

لابّد أن نتوجه بالشكر إلى الأستاذ أحمد بالو وفريق العمل لما يقدمونه بكل ما يثري الشباب من ثقافة وفكر
وما يمثله النادي الثقافي الشبابي من حلقة وصل بين الأجيال

ونقدم بعضاً من قصائد الشاعر ايهاب العزاوي

حاولت اوصفج مكدرت حتى الوصف منج خجل
شلون اوصفج وانتي حتى الكمر من شافج ختل
شلون اوصفج وانتي لو غبتي المكان بغيبتج عنج سال
ضحكتج صوبت كلبج ودمج احلى من العسل
يافلانه انتي قصيده وتحتوين اجمل غزل
ويافلانه انتي بوجودج تنملي الدنيا امل
انتي حلوه بمعنا حلوه وابد مابيج اي خلل
يعني روحج روح طفله وابد منج ما امل
من اشوفج انسى روحي ومايضل بيه عقل
صرت اشوفج شكر انتي واني مجموعة نمل
ارد اكلج سر خطير وخاف احجي وانهمل
وخاف اسكت ما اكوله وعليه يريد الحمل
اني محتار اني ضايع اني ميت بس عدل
: بعد ما اكدر اكمل لان كاتلني الخجل
ممكن اخذ صوره يمج اذا مابيها زعل
للتواصل معا الشاعر ايهاب العزاوي عبر البريد الالكتروني

***********

كما أننا ما زلنا مع الفنانة التشكيلية سميرة بخاش

ومعرضها سلاماً لسورية

ونتابع مع الشاعر ايهاب العزاوي

 
ياعراق اتمنى اشوفك واحضن ترابك بديه
مو وصلت الموت بععدك روحي متحمل اذيه
اني دونك يعني ضايع وتبد ماعندي هوايه
اصبحت مثل اليتيم وصرت للعالم ضحيه
من فركتك عيني دمعت والدمع يبجي عليه
وروحي من الحزن تنعي بكل غروب وكل مسيه
روحي طلعت صبر ماضل واحس واصل للمنيه
بعد ما اتحمل اكثر بعدك انت شسوه بيه
انت روحي وانت ريتي شلون اعبش بدون ريه
وانت نبضي وشراييني ودمي هذا اليمشي بيه
انت ابويه واني ابنك والابن خادم لابيه
يعني واحد اني وانت وروحي وي روحك سويه
راح ارجع ياحبيبي واحضنك حضنه قويه
وابجي بين اشجارك اني وبين دجله وشواطيه
واصفن واكتب قصايد واكعد باقرب زويه
واذكر الكرخ ورصتفه وكل بيوت الكاضميه
واذكر المنصور والبياع واهل الاعظميه
وانتضر جيت حبيبي حتى اقدمله هديه
والهديه صوره بيها دموع كل ام عراقيه

الشاعر إيهاب العزاوي e_m_a_90@yahoo.com  

عالم نوح