الكلام إلى يفيد عبد العالي الوالي ميسور
- نوفمبر 29, 2013
- 0
الكلام إلى يفيد
عبد العالي الوالي ميسور2013
الكلام قراية دوزوا فالميزان قبل لا تتكلم خيار الكلام يرفع مولاه عمرو لا يندم
الكلام فن به تتزوق الدنيا
الكلام إلى يفيد
عبد العالي الوالي ميسور2013
الكلام قراية دوزوا فالميزان قبل لا تتكلم خيار الكلام يرفع مولاه عمرو لا يندم
الكلام فن به تتزوق الدنيا
وعلى كفوفها يرسم
الحب والطيبة
خصايل بيهم يتبدد الهم
لغاي للي يفهم لكلام بالمعنى
وكلامي نكولو ملي يجي فلساني
يجري فعروقي
تنطق به المخارج
كيجي حلو
ككيسان المنعنع اللي حد ما يكرهو
مزيان أخوي الى تفهمني
لوكان ما هو ما تفهمني
ساير فعروقك
وشاربو من عاهد اللي كانو
بالكلام الحلو يسقيو الناس
وبه يضوى الخاطر
في خاطر الناس الملاح
اللي فقلوبهم الهم يرتاح
ونزيد نكمل المقصود
والمقصود الله
برحمتو العبد سالم كلامي للي يفهم المعنى بالعقل غانم والحكمة خاصها اللي عاقل
أو فقوالو يتحكم
الجاهل ينطق ديما من غير لا يعقل لكلام ريحة الخبت فايحة
ما يستحيا ما يحشم
الجاهل معروف عند الناس كاملة لازمو يعلم الجهل دساس
ما يدي ملاه غير للندم
إلى نسيت ما ينس
كلشي فالكتاب مزمم
عالم بالصغيرة والكبيرة
واللي انت فالقلب كاتم
الدنيا هبيلة
ويا ويل من من دار غرو عليها
دليلة وزايلة
ربنا فالكتاب تكلم عليها
الى تكون, كون مزيان
تقرب لمولاك باللي يبغيها
زرع من لكلام خيارو
يخضار فدان الحق تنشد طيارو
علي للخير صوارو
تسلم مل لعذاب أو نارو
ونزيد نوصيك
لوصاية ما تزيد غير النفع
العلم لازم به القيمة ترفع
زريعتو غالية
والغلة حلوة بها النفيسة تقنع
كول وتكايس
دير اللازم وعل لقبيحة ترفع
العلم يا سعدك
والى جاك ما تفرط فيه
ديرو حبيب وطبيب
ول وليد صغير أو ربيه
يكبر عاقل وبين الناس ينشر لواحو
لواح الحكمة فطوعها جيال راحو
رسمو لمان فالقلوب وارتاحو
سمعني ياالخو
لا تكول خيك مسقوم
لا مضيوم ول مهموم
زلعت كيسان النوم
أو فالظلمة رسمت سريجم
منو شفت النور
نور الحق
والحق ديرو صديق ورفيق
بيه تكلم
الحق كيف العشبة فراس الجبل
قليل اللي يوصل ليها
حاجة لوعر صعيبة
حد ما يقلب فيها
غير زعيم عارف قيمة العشبة باللي فيها
الحق نوارة فكل زمان
تجيب العز لماليها
الحق شجرة غلتها فايضة
الى سقيتها تعطيك
تنقش وتحوط بيديك
والى هملت لا تسول
عيشة الزلط
وكيسان الدل تسقيك
راني يا الخو نفكر فحالي وحالك
والحال محتار بين عقلي وعقلك
طالب يخرج سالك
كطوير صغيرما بين جوج
الفخ والقفز
يختارحبسة الهم
ول يموت مقجوج
الكلام راحة للبال
بيه تفتح العقول
كل كلمة بلون والحرف مصفوف
شوف اخوي شوف
ناس بالدنيا عقلها ملهوف
او ناس دست الحق فصنادق الخوف
شوف اخوي شوف
ناس تكلمت رشت بحروف
حر الكلمة لاصق فالجوف
شوف اخوي شوف
الحق في دالزمان عايش مكفوف
زوقوه بالسكات ودروه فرفوف
شوف اخوي شوف
الدمعة سالت بين الحروف
تسقي الكلمة تجهر بسيوف
شوف اخوي شوف
حل عينيك مزيان الحق مكشوف
النقش المزيان بالشوفة معروف
شوف اخوي شوف
رجال جاية حالفة بحلوف
دير اللازم و تخدم بكفوف
…
الكلام الى يفيد
فجنينات خوضر بالمحبة تحرتو
والصلاة عل النبي خيار لكلام
أو بها كلامي ختمتو
عبد العالي الوالي ميسور2013
