بعض من مدونة الكاتب عبد الرحيم أبراغ

شنو نقدم أو شنو نوخر ؟
الناس طوب أو حجر ، شي كدير معاه المزيان كيندمك على النهار لتزاديتي فيه أو كتقول مع راسك كون غير مدرتش معاه هاد شي من الأول ، أو شي كتندم حيث متعاونتيش معاه حيث يستهل غير حيث مجابتهاش الفرصة أو صافي .. زعمة تفهم يهرب ليك الريزو ، كتعاون مع بنادم كيشبع فيك معيور ، ولقمع صراحة هو سيد الموقف أو هوا لكيخليك ديما حاضي غير مع راسك أما الآخر را عارفك جابد عليه الفردي يعني إلى دوا معاك الحلقة الأخيرة من مسلسل " تدوي نخلي دار عشتك " رفعت الجلسة ..

الجزيرة قطعي البث ؟
تفرجو أو سكتو ، المغاربة ديالنا مكيتفهموش مكين غير الشفاوي تقول واخدين جائزة نوبل في تكوار كرة القدم ، الناس طورات راسها خدامت بلادها ومتخباتها حنا الشعب ديالنا باقي مضارب غير مع شكون لسبلها ، حتى أن واحد خارج على الجماعة مشتت معارف شكون إشجع ، كدخل للمقهى أو فرقة كدير محاولة مباشرة كتولي فريقه المفضل زعمة خاصهم اتفطموا من بزولة كرة القدم باش اتعلموا اسكتوا ، تفرج ولا حيد بلاك مبروك للجزية الرياضية لحصولها على ملايين الدريهمات ومبروك على الاعبين تاهوما ، والعزاء على الجمهور المغربي الذي سيبقى يبحث في مكانه على مصروف يوم جديد وقهيوة جديدة .. شي ادير الفلوس أو شي حاضي الشكارة لعامرة فلوس ميخدم ميخلي ليخدم مول الشكارة ..

أو من بعد ؟
هاكدا بدات القصة ، صراع فشل تعثر ونجاح ورقصة استحقاقا لذلك النجاح ، أو من بعد ؟ تظل متمسكا بحبل الصداقة تبحث عن أشياء كثيرة وعندما تجدها بحوزتك تقول من بعد ؟ ممكن تبحث وتقرا باش تولي ممثل زيد الموهبة والفطرة أو كتولي نجم لامع أو مصدي أو كلشي كيعرفك أو من بعد ؟
كتصاحب مع ناس كدوز معاهم أوقات واعرة بزاف أو من بعد ؟ كتزاد كتلعب كتقرا كتنجح كتخدم كتشري الدار والسيارة كتزوج كتولد أو من بعد ؟ كدير اسم في المجتمع الناس كلها كتعرف اسمك أو نسبك أو حياتك أو من بعد ؟ هانتا وليتي وزير أو وصلتي لداك المنصب لبغيتي أو من بعد ؟ تحب فتاة تبعثر أوراق حياتك تتركك بلا نوم بلا أكل بلا استحمام بلا عمل بلا دراسة أو ملي كتوصل معاها لداك شي لبغيبتي " كتعارفو أو كتخاصمو أو كتزوجو أو كطلقوا " تقولان نفس السؤال أو من بعد ؟ زعمة هاد من بعد كتبرد الجو الله ادومها باش ننساو بيها بعض الأشياء الي مرضاتنا في عظوماتنا …
أو من بعد ؟ هاكدا بدات القصة ، صراع فشل تعثر ونجاح ورقصة استحقاقا لذلك النجاح ، أو من بعد ؟ تظل متمسكا بحبل الصداقة تبحث عن أشياء كثيرة وعندما تجدها بحوزتك تقول من بعد ؟ ممكن تبحث وتقرا باش تولي ممثل زيد الموهبة والفطرة أو كتولي نجم لامع أو مصدي أو كلشي كيعرفك أو من بعد ؟ كتصاحب مع ناس كدوز معاهم أوقات واعرة بزاف أو من بعد ؟ كتزاد كتلعب كتقرا كتنجح كتخدم كتشري الدار والسيارة كتزوج كتولد أو من بعد ؟ كدير اسم في المجتمع الناس كلها كتعرف اسمك أو نسبك أو حياتك أو من بعد ؟ هانتا وليتي وزير أو وصلتي لداك المنصب لبغيتي أو من بعد ؟ تحب فتاة تبعثر أوراق حياتك تتركك بلا نوم بلا أكل بلا استحمام بلا عمل بلا دراسة أو ملي كتوصل معاها لداك شي لبغيبتي " كتعارفو أو كتخاصمو أو كتزوجو أو كطلقوا " تقولان نفس السؤال أو من بعد ؟ زعمة هاد من بعد كتبرد الجو الله ادومها باش ننساو بيها بعض الأشياء الي مرضاتنا في عظوماتنا …

هاكدا كان لكان ؟
الحياة حبل قصير لكتحلم أنك تدوي معاه اليوم كتولي من بعد فايت تصاحبتي معاه ، عشتي معاه أو تفاهمتي معاه فشي حويجات ، هكدا كانت الحكاية مع ناس زمان ناس لعمرنا شفناهم ولكن عشنا مع مغامراتهم مع مواقفهم الزوينة ، أما دابا مكين غير دوز بلا شوفان بلا سلام ولا كلام ، غمض عينيك وحلم مع راسك ، هنا كان لكان شي فرحان أو شي حاضي لفرحان أو محاس لا براسو لا بهداك لفرحان زعمة حياة الحضية لغة مرموزة ورياضة مفهومة وقاعدة مهمومة وقلة ميدار مقصودة من طرف شعب كان يعيش على ايقاعات خيانة الوطن ، هاكدا لكان المقاومة ولات شارع بعدما مشا المستعمر ايه مشا اقلب على شي شلوطية أخرى من اليلادات ليدير فيها مبغا وتستمر الخيانة ، شدو بناتكم علينا شدو بناتكم ، شدو بناتكم لبغات تشطح خليوها تركل بلا متشطح شدوها راها جعرات ..