فشة ألب من الشاعر الغنائي بكري حنيفة

يتحفنا الشاعر الغنائي بكري حنيفة بقصيدته هذه فشة قلب كتابة وإلقاء شاكرين له تخصيص موقعنا عالم نوح بهذا النتاج الأدبي الجميل. نوح حمامي

    _فشة ألب_

مع مين؟؟ قلي صاحبي
وغصيت.. في ردي ..
خايف لتفهمني عكس
مابدك … وبدي …
جوات جوآتي .. متل
شي يجيب شي يودي
من ميل بعدو هالوطن
مستوطن … بعهدي
ومن ميل تاني /منقبض/
إيدي … على خدي ..!
والروح على مفرء وجع
سكين … يتعدي ..
وتترك على شفافي جرح
مخنوء …. ومصدي .؟!
ياصاحبي هدي الوضع
يآ صاحبي … هدي
ماني أنا ضدك … ولآ..
رح فكرك ..ضدي
فكر معي .. بلحظة وعي
وماتزيد … بصدي 
غدار  بوكر الأفاعي ..!
صار … يستجدي ؟؟.!
وكلاب تنبح بالفضآ ..
وبالعتم .. تستهدي !!!
وشيوخ بأرذل عمر..
فتوتها بالنقدي ….
ديرآ براسك على مهل
فكر بشي جدي
وإيدك بإيدي ضمها
وزندك على زندي
وتزكر تراب الوطن
لخدودنا …مخدة
منو نبتنا للسمآ
وجناحنا .. يودي
للكون مرسال الفخر
بي جدك .. وجدي
ياصاحبي ..خيي إنت
وعدك نفس وعدي
تبقى بلدنا بروحنا
نور .. بجفن وردي
خلينا ع سياجآ عطر
للبعدك وبعدي
وشوكة بعين الغادر
اللي جاي يستعدي

الشاعر بكري حنيفة

لتحميل وتشغيل الفيديو