محمد مولوي في الحياة حلوة

جزء من " يا هالضايع
يا هالضايع .. لابقى تدق ناقوس الخطر
ماإلها طقوس تـ تنزل مطر
ضبْ شمسيتك
وحضر قهوتك وتلفنْ لصحابك
رح تمطر غيرة وسهر
مش بالهين بتجيك خاطرة الشعر
بتجيك الخاطرة من رحم الضجر
يا هالضايع ..

جزء من " سنين "
يوما كنا سراب .. وبهالعليّة غُراب
ينده بأسامينا .. وأسامينا غْرَّاب
وتهدل اليمامة .. وتطفي القنديل
وانا بسأل مين .. بينباس ومين بيميل
وبتمضي سنين وبتجي سنين
ومنبقى بالسر والعمر يهر
راهنين حالنا كرمال الحنين

جزء من " بنت حلوة "
هي ورقة ..
رسملي عليا شي بنت حلوة
تأكتب فيا شعر
يكونو شعراتا سنابل قمح
ويكون نهدا ضجر
وابقى خلي تنورتا قصيري
وبجيب تنورتا خبي الصبح
خلي حَلَقها السهر
وشعرا اسود مليان غيري
خلي تيابا مخزقين
وع تيابا مكتوب تراتيل ونثر
وخليا عنجد فيي تغوي
وتغرقني بريحة هالعطر

جزء من " بتكة شبك
" عشقان ؟ ياقلبي لا تخبرو ولا تحكيه
وقف عالشباك نطرو
وبس يمرق اتطلع فيه
لاتخبرو ولاتحكيه
زراع بأفكارو شوية شكك
خليه يتقصد يومية يجي
ولحالو صدقني مابيعرف حالو
إنو فيك بتكة شبك

وقد قدم الأمسية وأدار الحوار الشاب ثائر أيوب

جانب من الحضور