وكبرنا سنة في الوطن 17-9-2011

بكل محبة حضرنا أمسية فرقة آريو : وكبرنا سنة في الوطن، وكان ذلك مساء االسبت على مسرح مديرية الثقافة في حلب. شباب وشابات بعمر الزهور .. أعطونا الفرح بقدر ما كانوا فخورين بأنفسهم فرحين بعملهم فرحين بمستقبلهم. نتمنى للجميع المزيد من النجاح والتوفيق.

وإليكم البرنامج والصور

الكلمة الافتتاحية:

مثل الحلم …مثل الشمس يلي شرقت الصبح و هلأ صارت ورا تلالنا. مثل هالوقت اجتمعنا وصفينا النية , بلشنا 35 وهلأ صرنا مية.
قبل سنة بدينا نغزل رسالتنا بالمحبة و الإيمان , هاجر السنونو قرميد بيوتنا وزار التلج شوارعنا, داب التلج و بان زهر بلادي المسقية بالعرق و الدم الحزين…

غنينا….عزفنا…مثلنا…رقصنا…تعبنا و التعب بالشغف و الفخر.
رجع الطائر الفينيق مع الصيف, وقف بأول الصالة هونيك و نحن عم نعمل بروفة هالأمسية و قال:
قبل سنة و بأول هالأمسية ألكن, كان في كيس بالمسرح أخذنو و طرت… ولما رجعت لاقيت المحبة رجعت للعالم.
انتبهت إنو الكيس مفتوح فعرفت سبب التغيير , وقلت شو هالسر.
لا قيت يا أريو مشاعركن….صرخات الشباب عم تنده بغضب : نحن المحبة و السلام و العدل …نحن أولاد سوريا يلي بتكبر و بتصير أسد متل الأسد يلي حامي بلادي.
يا طائر الفينيق يلي كان عمرو 14 صار معنا 15…. و يلي عمرها 9 صارت 10
ونحن صار عمرنا سنة….كبرنا سنة و الوطن كبر فينا الف سنة
كبرنا سنة بهالوطن…. و بعد سنة رح نقول
بعدك يا وطني ما في وطن.
هلأ نحن رح نغني و نرقص للمحبة و الإنسانية. لأنو في أمهات لسع مانشفت دموعن , و ما رح تنشف .
في فخر ممزوج بالغضب و الحزن على أرواح أولادهن , على شباب من عمر الورد….قدموا أرواحن فدا سلامة الوطن و شرف الأرض.
و إذا الشجرة تعرفت بالشتي من أوراقها الخضر…هادا ما بيعني إني ماتت . لأ, فهي عم تحضر حالها لتلبس توب جديد أزهى … و أحلى…. و أروع.
وتمن التوب غالي…غالي كتير, بس لعيونك يا سوريا … الزمن بيرخصلك , الشمس بترخصلك لأجلك يا سوريا الروح بترخصلك.
و لأرواح العظماء خلينا نوقف دقيقة صمت إجلالاً لذكراهم.

و إبتدأت فرقة أريو مهرجانها المسرحي بالنشيد العربي السوري:

حماة الديار عليكم سلام
أبت أن تذل نفوس الكرام
عرين العروبة بيت حرام
و عرش الشموس حمى لا يضام
ربوع الشآم بروج العلا
تحاكي السماء بعالي السنا
فأرض زهت بالشموس الوضا
سماء لعمرك أو كالسما
رفيف الأماني و خفق الفؤاد
على علم ضم شمل البلاد
أما فيه من كل عين سواد
و من دم كل شهيد مداد
نفوس أباة و ماضي مجيد
و روح الأضاحي رقيبٌ عتيد
فمنا الوليد و منا الرشيد
فلم لا نسودُ و لم لا نشيد

ثم تعالت الصلاة الربانية بأداء كيتا ياندم : 
نثقاداش شموخ تيثه ملكوثوخ نهوه صبيونوخ أيكانو دبشمايو
أوف بارعو هبلان لحمو دسنقونان يومونو و اشبوق لان حوبين و احطو هين
ايكانو دوف حنان شباقن لحايو باين لو تعلان بيسيونو إلو فاصولان
مين بيشو ميطول دديلوخي ملكوثو و حايلو و تشبوحتو لعولام عولمين آمين

بعدها كان لقائد فرقة أريو أ. جورج باندو كلمة :

في ولادة من الرحم….في ولادة من الخاصرة
بس في كمان ولادة من الفن…نعم فرحم الفن هو المحبة… وبالمحبة جمعنا شخص.
دق بواب مسؤولين الفرقة واحد واحد , و مع بعض جمعوا الأطفال و الشباب.
و متل النسر حطنا بعش واحد فوق بالعالي , تركنا نشتغل …بإبداع.
حطيتنا فوق مع الغيم العجوز…و بمساعدت , بحنانك, أو بالأحرى بصبرك الرهيب
كبرنا سنة وكبرتنا يا ملفونو عالمحبة و العطاء لهالوطن الغالي

بعدها قدمت الفرقة وصلة من مقام الحجاز و مقام البيت و تتالى بأدائها كل من فجر باعوث و كيتا يا ندم و ريم شابو :

في قهوة عالمفرق:

 في قهوة عالمفرق في موقدة و في نار
نبقى أنا و حبيبي نفرشها أسرار
جيت لقيت فيها عشاق اتنين زغار قعدوا على مقاعدنا
سرقوا منا المشوار
يا ورق الأصفر عم نكبر عم نكبر
الطرقات بيوت عم تكبر عم تكبر
تخلص الدنيي و ما في غيرك يا وطني يا وطني يا وطني
آه بتضلك طفل صغير
متل السهم الراجع من سفر الزمان قطعت الشوارع ما ضحكلي انسان
كل اصحابي كبروا و أتغير اللي كان صاروا العمر ماضي
صاروا دهب النسيان

أمي نامت ع بكير:

أمي نامت ع بكير
إمي نامت ع بكير
و سكر بيي البوابة
و أنا هربت من الطاحون
و جيت لعيد العزابة
شباكي بعدو مفتوح و البرداية عم بتلوح عرفو أهلي بغيابي يا دلي وين

بدي روح وين بدي روح يا دلي عرفو أهلي بغيابي
يا ورد العايق بالطول بتضل بحالك مشغول شوكك بتيابي علق هلق

لإمي شو بقول شو بقول لإمي هلق علق شوكك بتيابي

عالندا الندا:

 عالندا الندا الندا و الورد مفتح عخدا
و ان ما عطيوني إياكي لجبال العالي لهدا
ندا كانت حد العين و سالتها ه الغيبة وين
غمزتني بهاك العينين وبدا تحكي و ما بدا
ندا نزلت عالبستان لقاها و زهر نيسان
عم ضل ملبك سهران و نجوم الليل عم عدا

الحلوة دي:

 الحلوة دي قامت تعجن بالبدرية و الديك بيصرخ كو كو كو كو
مالفجرية يللا بنا على باب الله يا صنايعيا يجعل صباحك صبح الخير يا سعدية
صباح الصباح فتح يا عليم و الجيب ما فهش و لا مليم بس المزاج رايق و سليم باب الأمل بابك يا رحيم
الصبر طيب عال ايه غير الأحوال يا اللي معاك المال برضو الفقير له رب كريم
ايدي بايدك يا بو صلاح مادام متوكل عالله مرتاح خللي اتكالك عالفتاح يللا بنا يلا مهو الوقت راح
الصبر طيب عال ايه غير الأحوال يا اللي معاك المال برضو الفقير له رب كريم

يا مايلة الغصون:

 يا مايلة عالغصن عيني سمرا سبتينا
يحرق قليبو الهوى يا ما شو عمل فينا
سموكي و ما نصفوكي عيني سموكي عرق القاس
أصيلة بين الشجر مشكولة فوق الراس
يا مايلة عالغصن عيني سمرا سبتينا
يحرق قليبو الهوى يا ما شو عمل فينا

هالأسمر اللون:

هالأسمر اللون….هالأسمراني
تعبان يا قلب خيوه……هواك رماني
يا بو عيون وساع….حطيت في قلبي وجاع
بعطيك سبع رباع خيّوه…..من العين راسمالي

وصلة بيات-أول عشرة محبوبي:

أول عشرة محبوبي يا عيني هداني خاتم ألماس
هادا قصدي و مطلوبي يا عيني هادا اللايق بين الناس
و قالت بدي و ما بدي يا عيني منديلك أحمر وردي
و لانو فضة و لا منقوس يا عيني هادا اللايق بين الناس

زوالف يا بو الزلوف:

زوالف يا بو الزلوف زلفا يا عيني
بين الشفايف عسل نفط على على إيديا
يا عمي خدني معاك ع حلب لأتفرج
و انزل ع خان الحرير و اشتريلا هالمطرز

قالوا لا لونك أسمر:

 و قالو لا لونك أسمر يابا ما راح يجيكي نصيب
و قالت ربي قدّر يابا يبعتلي أحلى حبيب
و عند المغيب جانا الحبيب2
و مرشرش و الله بالعطر وطيب

صيد العصاري:

صيدي العصاري يا سمك يابني تلعب في المية لعبك يعجبني
تلعب في المية لعبك يعجبني آه يا سمك بني
صيادك ماهر بياعك شاطر..و وجودك نادر ما حلاك يا بني
و وجودك نادر ما حلاك يا بني آه يا سمك بني..

القراصية:
القراصية منين منين يا اللي ساقوها بدمع العين
و القلب ما يهوى لاثنين و بدو وحدة حلبية
يا سيدي طعماني بالقراصية إيو و الله طعماني بالقراصية
و القراصية يا ربي و الفرقة حرقت لي قلبي
بدي حبيبي يكون جنبي من أول مسا لصبحية

و بختام هذه الوصلات الغنائية الطربية تم تقديم مشهد اكتشاف الصليب

وهو من إعداد و إخراج : رافي ميناس

تقديم مشهد اكتشاف الصليب:

فوق قبة كل كنيسة….ببيت كل مسيحي في رمز الصليب.
الصليب بلي كان عبارة عن خشبتين , و بفضل السيد المسيح صار شي مقدس, ومن يومين احتفلنا بذكر اكتشاف الصليب المقدس.
و كيف مر من هالأرض حتى يوصل للقسطنطينية

عقبها أدت فجر باعوث ترتيلة يا نبع المحبة – عزف و توزيع : أ. كابي شابو

كلمة تقديم يا نبع المحبة

في شباب عم تناضل و تقاتل ,بس في أيادي مرفوعة عم تصلي و عم تقول يا نبع المحبة يلي زرعت فينا المحبة….

خلينا نحصد السلام /خلونا مع نرتيلة يا نبع المحبة بصوت رائع متل روعة الفجر بصوت ..(فجر باعوث) ,

بيشاركها لوحة راقصة من تصميم : جورج بيشار و ماريا مقديس أروش.

تقديم رقص التانغو:

التانغو/ يليها رقصة من التراث الأرجنتيني …يلي تحولت تراث عالمي…

رقصة الخطوة القوية و النظرات الثاقبة /بمعنى تاني…مبارزة بس بالرقص

و من تأليف و إخراج : رافي ميناس قدم ممثلي فرقة أريو مسرحية الصندوق

تقديم مسرحية الصندوق:

نحن شعب أخدنا من أجدادنا المحبة و التسامح.. أجدادنا علمونا شو يعني وطن وشو يعني حرية و إذا فترضنا في صندوق بيجمعهن فما ممكن نبدل الصندوق أو حتى أنساوم عليه. شو ممكن يكون في بالصندوق يلي جاي من برا.

أما الرقصة الهندية فكانت من إعداد : جورج بيشار و ماريا مقديس آروش

تقديم الرقصة الهندية:

بيقولوا شو جاب الشرق للغرب , بس بأريو كل شي بيصير / من الأرجنتين للهند… بس من دون توابل الهند بجمال العفوية ونقاء الحب….و بالموسيقى الحلوة القريبة من القلب.
من تاج محل لقلعة حلب…..

من كلمات و ألحان: أ.جورج باندو قدم إدوار مقديس منولوج زوجوني

تقديم مونولوج زوجوني:

كل واحد بيحلم …. إنو يتزوج/يكمل نص دينو…يدخل القفص الذهبي و غيرو من الجمل و الأمثال…بس شو بيصير لو الواحد بلش حياتو الزوجية ب…….خلونا نعرف أكتر مع مونولوج خطبوني

تلاها ترتيلة موناو كورو و ترتيلة بترعو ديلوخ و أغنية سوريا يا حبيبتي

عزف و توزيع : أ.كابي شابو

ترتيلة بترعو ديلوخ:

بترعو ديلوخ حانونو نوقيش دبو عوثان
لو تكله من سر غوديك حوس علاي مور
إينو إيبعه اعبدات اليفين إييول إيثايك إسطال إيقور اعطيفين حوس علاي مور(حوس علاي) بسو غو دمرحمونوثوخ وبيشوشو دسعيرون لي حوس علاي مور
إينو إيبعه اعبدات اليفين إييول إيثانيك إسطال إيقور أعطيفين

أغنية سوريا يا حبيبتي :

سوريا ياحبيبتي أعدتي لي كرامتي أعدتي لي هويتي
بالحرب و الكفاح و شعلة الجراح تنير درب ثورتي يا يا يا يا حبيبتي
قنالنا جولاتنا سماؤنا و أرضنا تفديهم دماؤنا تحميهم أبطالنا
و بعثنا يسير لمجده الكبير
مبشرا بعودتي و رافعاً كرامتي مجددا هويتي
بالحرب و الكفاح و شعلة الجراح تنير درب ثورتي يا يا يا يا حبيبتي
الان الان الان الان….. الان الان الان الان…..الاااااااان إني عربي….يحق لي اسم أبي و من أبي و من أبي ومن أبي
رصاص بندقية للصنع الحرية للأمة الأبية يا يا يا يا حبيبتي
سوريتي يا درب كل ثائر ياقلعة الأحرار و الحرائر
صمودك العظيم في البشائر تزف الآمال و الضمائر
أعدتي لي كرامتي أعدتي لي حريتي أعدتي لي هويتي
بالحرب و الكفاح و شعلة الجراح تنير درب ثورتي يا يا يا يا حبيبتي
لم ينتهي المشوار يا عروبة حتى تعود أرضنا السليبة
ففي الخيام طفلة المصيبة تنادي يا سوريتي الحبيبة
أعدتي لي كرامتي أعدتي لي حريتي أعدتي لي هويتي
بالحرب و الكفاح و شعلة الجراح تنير درب ثورتي يا يا يا يا حبيبتي
سوريا يا حبيبتي أعدتي لي كرامتي أعدتي لي حريتي أعدتي لي هويتي
بالحرب و الكفاح و شعلة الجراح تنير درب ثورتي يا يا يا يا حبيبتي

و اختم هذا المهرجان المسرحي الغنائي بعرض أغنية يا أسدنا نحن عالعهد

من كلمات: نذير دهان و ألحان: أ. كابي شابو 

كلمة الختام :

وصلنا للنهاية….متل شريط الفلم بدأ من ساعتين أو من سنة.
و بنهاية الشريط بيكون مكتوب النهاية , بس هون مارح نكتب نهاية….رح نكتب : بدنا نكمل بأمل كبير و بحب أكبر….بدنا نكمل مع بعض و أنتو معنا ليوصل صوتنا لآخر المدى.
هي أرضنا نحنا و بس … و قائدنا واحد …في حدا بيقول في شمسين؟؟؟؟ نحن عنا شمس وحدة … أسد واحد ….قائدنا الدكتور بشار الأسد.
رح نكمل طالما في إيد عم تدعمنا … بتباركنا.

أغنية يا أسدنا نحن عالعهد :

منحبك و الرب شهود
يا أسدنا يا سليل أسود
و الفكّر يرميك بشوك
بنبيدو و نرش ورود
يا خاين عهدك يا ويل
أيامك أسود م الليل
ع إيدينا بينهد الحيل
و ما يعدلك بالدنيا وجود
يا أسدنا نحن عالعهد
من يوم الكنّا بالمهد
و رح نمشي بعزيمة و جد
الزنود تعانق الزنود
بشار اتبشر بالخير
سوريا ما يصيبا ضير
ما دمنا بنجد السير
ع خطواتك و بالروح نجود

 الفنان جورج باندو …. مؤسس و قائد الفرقة

هلا حدثتنا عن الأمسية….

الأمسية هي بمناسبة مرور عام على تأسيس فرقة آريو, و هي مختلفة عن الأمسيات الماضية كونها أمسية أكثر تنوعاً في اللوحات الفنية المقدّمة.

إلى أي مدى تشعر بأن الفرقة تطورت خلال عام؟

أولاً الفرقة هي للهواة و لديهم مواهب جميلة تكتشف شيئاً فشيئاً, ثانياً كنا في بدايات التأسيس خمسة و ثلاثين عضواً أما الآن فنحن نقارب المائة عضو, فازداد عدد العازفين و هواة التمثيل و ازدادت خبرة الأعضاء بشكل عام.

ماذا تعني لك آريو؟

آريو كلمة سريانية تعني الأسد في اللغة العربية, أسستها منذ عام 1982 و كانت عبارة عن فرقة غنائية تغني العربية و التركية و السريانية, و استمرّت الفرقة في عطائها إلى عام 1988 ثم مررنا بظروف قاسية و اضطر بعض الأعضاء إلى السفر فتوقفت الأعمال, ثم في عام 2010 أحببت أن أعيد تأسيس آريو بروح جديدة, و هي تعني لي الكثير و اسمها أفتخر به كونه يماثل لاسم عائلة قائد الوطن الرئيس بشار حافظ الأسد.

ما هو طموحك لآريو المستقبل؟

نحن الآن في طور اكتشاف المواهب الصغيرة الجميلة, كما تمت دعوتنا من عدة جهات للمشاركة في إقامة حفلات فشاركنا في آذار الماضي مع مركز الأنباء الدولية و مديرها المخرج الأستاذ وهبي ورّاق في إقامة أمسية بمناسبة الثامن من آذار, و أتمنى من خلال آريو أن نقدم فن جميل لوطننا سوريا.

هل من الممكن أن تتعاون آريو مع الفرق الناشئة في محافظة حلب؟

طبعاً, في حال الطلب فنحن جاهزين فكلنا نعمل للوطن.

كلمة أخيرة….

أحب أن أشكر العناصر القيادية التي في آريو لأنهم تعبوا كثيراً للتحضير لهذه الأمسية , و أيضاً أشكر عالم نوح بكل من يعمل فيه….

إخراج :زكريا محمود 

لقاء : جلال مولوي